القائمة الرئيسية

الصفحات

كيفية فتح سجل تجاري لاستيراد و والتصدير

 

كيفية فتح سجل تجاري لاستيراد و والتصدير

  1. آول شيء تخير حالة  الشركة sarl  أو eurl.
  2. تروح لمديرية السجل التجاري وتقولهم ندير شهادة تسمية ، يعملولك وصل 800 دج تروح تخلصوا في بنك bna ؛وترجع عندهم يعطوك  استمارة تعمرها  بأربع أسماء من إختيارك، وتدفعها مع نسخة من بطاقة التعريف ومبروك عليك التسمية.
  3. تعمل عقد كراء محل عند الموثق  وتروح لشركة تأمين تامن عليه ( تأمين ضد المخاطر الطبيعية ).
  4. إذا كان رأس مال الشركة كبير لازم تعمل التزام من جانب مدقق حسابات عند محاسب، إذا كان رأسمال قليل لا داعي.
  5. روح عند الموثق و تدفعلوا نصف رأسمال الشركة، وكل الوثائق التالية : -شهادة ميلاد؛ نسخة من بطاقة التعريف؛ تأمين ضد المخاطر الطبيعية ؛ بعدها بأيام  يعطيك الموثق وثيقة إثبات إيداع رأسمال المؤسسة.
  6. كي تخرج لك وثيقة إثبات إيداع رأسمال المؤسسة؛  تدفع معاها التسمية والألتزام من مدقق حسابات ( الورقة هذي إذا كان رأسمال كبير فقط ) باه يخرجلك الموثق حالة إنشاء الشركة.
  7. ترجع لمديرية السجل التجاري وتقولهم حاب نحط المؤسسة في BOAL ومعك الوثائق التالية: حالة إنشاء الشركة و بطاقة التعريف ; و يعطوك avis au BOAL.
  8. تروح impôts تخلص timbre fiscal تاع 4000 و يعطوك réçu de versement.
  9. تروح لمديرية السجل التجاري يعطوك تخلص في bna; على حسب الشركة و ليكود ألي فيها تاع  النشاط.
  10. كي تخلص في bna ترجع عند مديرية السجل التجاري و تعطيهم الوثائق التالية باه يعملولك السجل التجاري: استمارة يمدوهاك تم؛ عقد إيجار المحل؛ طابع بريدي ؛ و bon ألي خلصته في bna, وثيقتان لحالة الشركة( يكون عطاهملكم الموثق) ؛ شهادة ميلاد للمدير (eurl هو أنت؛ sarl ألي خيروه الشركاء) ؛ شهادة السوابق العدلية  و تصبر حتى يخرجلك السجل التجاري تاعك.
  11. تعمل 4 نسخ  على السجل التجاري و تروح للغرفة تجارية تعمل مصادقة عليه égalisation؛ السجل التجاري الواحد يصادقولك عليه بخمسين ألف.
  12. كي يخرجلك السجل التجاري تروح لمفتشية الضرائب وتعمل تصريح بالوجود déclaration d'existenceو تدي نسخة  السجل التجاري مصادق عليه و حالة الشركة statut, وعقد الايجار  واستمارة يعطوهالك تم و من بعد يعطوك بعد أيام carte fiscal.
  13. تروح تعمل nis; تدي معاك نسخة من carte fiscal, نسخة من السجل التجاري ؛ نسخة من بطاقة التعريف و نسخة من حالة الشركة statut ; يخرجلك nis بعد 4 أيام.
  14.  تروح تصرح في casnos و تدي معاك نسخة من السجل التجاري؛ و نسخة من حالة الشركة statut و استمارة يعطوهالك تم.
  15. الخطوة الأخيرة تعمل حساب بنكي للشركة على حسب البنك ألي تخير كل بنك و كيفاه ؛ يطلبوا هذه الأوراق؛ السجل التجاري ؛ carte fiscal, حالة الشركة statut ؛ avis au BOA.

 

 

تقييمك:

تعليقات